Maršrutka na trasie Minsk—Hrodna źbiła naśmierć ravarystku, jakaja išła pa abočynie
Na trasie Minsk—Hrodna ŭ Iŭjeŭskim rajonie maršrutnaje taksi źbiła piešachoda. Jak miarkujecca, kiroŭca mikraaŭtobusa zasnuŭ za rulom, paviedamlaje UDAI UUS Hrodzienskaha abłvykankama.
Maršrutnaje taksi ranicaj 25 lipienia viartałasia ź Minska ŭ Lidu z dvuma pasažyrami. Pa umacavanaj abočynie ŭ spadarožnym kirunku išła žančyna z rovaram u rukach. Ad udaru maršrutki jaje adkinuła na hruzavy «MAZ», jaki stajaŭ na abočynie, zatym — u kiuviet. Žančyna pamierła.
Pravodzicca raźbiralnictva.