U Turkmienistanie abmiežavali prodaž valuty
Z-za skaračeńnia valutnych dachodaŭ ad ekspartu nafty i hazu ŭłady Turkmienistana abmiežavali prodaž valuty miascovym kampanijam i nasielnictvu, paviedamlaje Reuters sa spasyłkaj na svaje krynicy.
Pa słovach adnaho z turkmienskich pradprymalnikaŭ, jaki pahadziŭsia pahutaryć z Reuters na ŭmovach ananimnaści, Centralny bank Turkmienistana (CBT) całkam spyniŭ prodaž valuty miascovym kampanijam. Nabyvać valutu jany mohuć ciapier tolki ŭ kamiercyjnych bankach, dostup jakich da valutnych resursaŭ u toj ci inšaj stupieni abmiežavany.
Pa słovach adnaho z surazmoŭcaŭ ahienctva, svabodna kuplać valutu zaraz mohuć tolki kampanii, zaniatyja ŭ realizacyi važniejšych dla ekanomiki krainy ci jaje imidžu prajektach.
Prodaž valuty nasielnictvu taksama abmiežavany.
Pavodle praviłaŭ, fizičnyja asoby mohuć kuplać dalary ci jeŭra na sumu, jakaja nie pieravyšaje ich miesiačnaha zarobku. Minimalny zarobak u krainie składaje 590 turkmienskich manataŭ, što, pavodle aficyjnaha kursu, roŭny prykładna $ 168,5.