U Minskim rajonie matacyklist naśmierć źbiŭ 14-hadovuju viełasipiedystku, jakaja stajała na ŭzbočynie
Upraŭleńnie Śledčaha kamiteta pa Minskaj vobłaści raspačało i rasśleduje kryminalnuju spravu (č.2 art.317 KK) ab śmiarotnym najeździe na čatyrnaccacihadovuju dziaŭčynku, učynienym matacyklistam 18 červienia ŭ Minskim rajonie. «Kiroŭca matacykła 1987 hoda naradžeńnia, ruchajučysia pa darozie pablizu vioski Baraŭcy, nie spraviŭsia z kiravańniem, vyjechaŭ za miežy prajeznaj častki, ździejśniŭ najezd na niepaŭnahadovuju. Dziaŭčynka ad atrymanych traŭmaŭ pamierła na miescy. Matacyklist ź ciažkimi traŭmami špitalizavany i znachodzicca ŭ reanimacyi.» Jon budzie dapytany śledčymi ŭ jakaści padazravanaha, jak tolki dazvolać daktary», — raspaviała aficyjny pradstaŭnik USK pa Minskaj vobłaści Taćciana Biełanoh.
Śledča-apieratyŭnaja hrupa praviała ahlad miesca zdareńnia, praciahvajecca kompleks śledčych dziejańniaŭ, pryznačany šerah ekśpiertyz.