Nieŭradžaj avakada ŭ Novaj Ziełandyi pryvioŭ da rostu niezvyčajnych kradziažoŭ
Deficyt avakada ŭ Novaj Ziełandyi, jaki ŭźnik u vyniku niaŭdałaha sielskahaspadarčaha siezonu, pryvioŭ da rezkaha rostu kradziažoŭ pładoŭ u krainie, paviedamlaje miascovaja palicyja.
amelia.se
Z pačatku hetaha hoda ŭ Novaj Ziełandyi było zarehistravana kala 40 bujnych kradziažoŭ avakada, bolšaja častka ź ich adbyłasia na Paŭnočnym vostravie.
Pavyšeńnie mižnarodnaha popytu na avakada i źnižeńnie pastavak pryviało da rostu koštaŭ: cana adnaho avakada ŭ niekatorych kramach pieravysiła 4 amierykanskija dalary.
Palicyja papiaredžvaje, što skradzienyja avakada niasuć u sabie niebiaśpieku dla zdaroŭja spažyŭcoŭ.
«Jany niaśpiełyja, niekatoryja ź ich niadaŭna apyrskvalisia i jašče mohuć utrymlivać u sabie taksiny. Ale pry takich vysokich cenach patencyjny prybytak źjaŭlajecca mahutnym stymułam dla niekatorych ludziej», — cytuje Guardian pradstaŭnika palicyi horada Vaichi Aarana Frejziera.
Kiraŭnik kampanii New Zealand Avocado Džen Skoŭłar zajaviła, što havorka, chutčej za ŭsio, nie idzie pra dobra arhanizavanyja apieracyi pa kradziažy avakada, i adznačyła, što ŭžo ŭ bližejšyja tydni deficyt pładoŭ pavinien źnizicca za košt novaha ŭradžaju. Jana taksama paabiacała, što vykradzienyja avakada nie zmohuć patrapić na zamiežny rynak.