U Nicy zahinuŭ zaŭziatar z Paŭnočnaj Irłandyi
Luboŭ da futboła stała trahiedyjaj dla zaŭziatara z Paŭnočnaj Irłandyi. Pra heta infarmuje The Telegraph.
Adznačajecca, što śmierć nastupiła ŭ vyniku niaščasnaha vypadku. Paśla matču Paŭnočnaja Irłandyja — Polšča, jaki prachodziŭ 12 červienia ŭ Nicy i zaviaršyŭsia pieramohaj polskaj kamandy, 25-hadovy mužčyna zvaliŭsia z 8-mietrovaj nabiarežnaj na halečny plaž i raźbiŭsia.
U hety ž dzień adbyłasia bojka pamiž francuzskimi i paŭnočnairłandskimi spartyŭnymi fanatami, paciarpieli siem čałaviek. Pravaachoŭniki paviedamlali pra vialikuju kolkaść niećviarozych fanataŭ.
Ministr unutranych spraŭ Francyi 12 červienia zapatrabavaŭ abmiežavać prodaž i ŭžyvańnie ałkaholnych napojaŭ na futbolnym pieršynstvie Jeŭra-2016.
Futbolnaja kamanda Paŭnočnaj Irłandyi 16 červienia sustreniecca ŭ Lijonie z futbalistami z Ukrainy. Paŭnočnairłandskaja zbornaja zajaviła, što niezadoŭha da matču choča ŭšanavać chvilinaj maŭčańnia pamiać zahinułaha zaŭziatara, ale dla hetaha kamanda pavinna atrymać uchvaleńnie UEFA