U centry Mahilova mašyna źbiła žančynu ź dziciačym vazkom
U centry Mahilova 6 červienia 43-hadovy mužčyna na Mercedes źbiŭ žančynu z vazkom. Dvuchhadovy mały atrymaŭ zakrytuju čerapna-mazhavuju traŭmu i strasieńnie mozhu.
Kiroŭca vyjazdžaŭ z vulicy Krylenki na Pieršamajskuju i pavaročvaŭ naleva. U hety čas žančyna ź dziciem pierachodziła prajeznuju častku vulicy Pieršamajskaj pa rehulavanym piešachodnym pierachodzie.
Na hetym skryžavańni zialony sihnał śviatłafora adnačasova haryć i piešachodam, jakija pierachodziać prajeznuju častku, i kiroŭcam, jakija vyjazdžajuć z Krylenki, padkreślili ŭ abłasnoj DAI. Mahčyma, mahiloviec na Mercedes nie zaŭvažyŭ piešachoda.
Dzicia ŭ špitali.