U Hrodnie dziaŭčyna na lehkaviku naśmierć źbiła skutarysta
U Hrodnie ŭ sutyknieńni mašyny i skutara zahinuŭ 32-hadovy mužčyna. Pra heta paviedamili va ŭpraŭleńni DAI UUS Hrodzienskaha abłvykankama.
Fota DAI Hrodna
Śmiarotnaje DTZ adbyłosia ŭ Hrodnie siońnia kala 11 hadzin. Na skryžavańni Indurskaj šašy i vulicy Kabiaka sutyknulisia «Miersedes» i skutar. Pavodle papiaredniaj infarmacyi, 22-hadovaja dziaŭčyna-kiroŭca lehkavoha aŭtamabila pry pavarocie naleva nie sastupiła darohu dvuchkołavamu transpartu.
Mužčyna, jaki kiravaŭ skutaram, pamior na miescy zdareńnia.
Dla ŭsiebakovaha vyśviatleńnia abstavin zdareńnia DAI UUS Hrodzienskaha abłvykankama šukaje śviedkaŭ i vidavočcaŭ DTZ. Usich asob, jakija majuć jakuju-niebudź infarmacyju, prosiać źviarnucca ŭ dziažurnuju častku DAI pa telefonie (0152) 79-75-05 albo nabrać numar 102.