Łukašenka i Juščanka abmierkavali alternatyŭnyja pastaŭki nafty
Razmova adbyłasia pa inicyjatyvie ŭkrainskaha boku.
Alaksandr Łukašenka i Viktar Juščanka abmierkavali aktualnyja pytańni dvuchbakovych adnosin.
Jak paviedamili BIEŁTA u pres‑słužbie prezidenta Biełarusi, u razmovie asablivuju ŭvahu kiraŭniki dziaržaŭ udzialili prablemam raźvićcia supracoŭnictva ŭ paliŭna‑enierhietyčnaj śfiery. Baki damovilisia adnavić enierhietyčny dyjałoh pa važnych dla abiedźviuch krain pytańniach, razhledzieli temy tranzitu elektraenierhii praź biełaruskuju terytoryju i alternatyŭnych pastavak nafty.
Razmova taksama išła ab prablematycy šmatbakovych adnosin u kantekście palityki dobrasusiedstva. U pryvatnaści, Alaksandr Łukašenka i Viktar Juščanka abmierkavali adnosiny Biełarusi i Ukrainy z Polščaj, Litvoj i inšymi krainami rehijonu Centralnaj i Uschodniaj Jeŭropy.
U chodzie razmovy była dasiahnuta damoŭlenaść ab sustrečy kiraŭnikoŭ dziaržaŭ dźviuch krain na praciahu bližejšaha miesiaca. U suviazi z hetym baki damovilisia ŭ tydniovy termin vypracavać paradak dnia biełaruska‑ŭkrainskaj sustrečy na vyšejšym uzroŭni.