Vakcyna, ad jakoj pamierła dziaŭčynka ŭ Hrodnie, była bielhijskaj vytvorčaści
Pra heta paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.
«U ramkach vyvučeńnia abstavin hibieli dziciaci paśla vakcynacyi śledstva aktyŭna ŭzajemadziejničaje sa śpiecyjalistami HKSE, a taksama Upraŭleńniem achovy zdaroŭja. U ciapierašni čas atrymana infarmacyja ab tym, što ŭviedzienaja vakcyna bielhijskaj vytvorčaści, zakuplałasia jana centralizavana. U bližejšy čas adnosna pytańniaŭ vakcynacyi ŭpraŭleńnie achovy zdaroŭja daść dadatkovuju infarmacyju i tłumačeńni», — napisała Julija Hančarova.
Śledstvam pryznačana sudova-miedycynskaja ekśpiertyza, pa vynikach jakoj možna budzie kazać ab najaŭnaści abo adsutnaści pryčynna-śledčaj suviazi vakcyny i nastupstvaŭ — śmierci dziciaci. Akramia taho budzie zrazumieła — indyvidualnyja asablivaści arhanizma syhrali rolu ŭ trahiedyi albo jakasnyja charaktarystyki preparatu.
Pakul vynikaŭ ekśpiertnych daśledavańniaŭ śledčyja orhany nie atrymali, jany tolki pryznačanyja.
U suviazi z hetym źviartaju ŭvahu ŚMI, padkreśliła Julija Hančarova, na niedapuščalnaść zaŭčasnych vysnovaŭ ab tym, što pryčynaj źjaŭlajecca vakcyna, jaje vytvorca abo inšyja jakasnyja charaktarystyki.
***
Jak paviedamlałasia, trahiedyja zdaryłasia ŭ Hrodnie 31 maja. Kala 16 hadzin u dziciačaj paliklinicy №1 paśla ŭviadzieńnia kambinavanaj vakcyny suprać adzioru, paratytu i krasnuchi rezka pahoršyŭsia stan zdaroŭja ŭ 6-hadovaj dziaŭčynki, žycharki abłasnoha centra. Niahledziačy na akazanuju miedycynskuju dapamohu, jana pamierła ŭ prysutnaści svajoj maci.