Miesi atrymaŭ surjoznuju traŭmu FOTA
Forvard «Barsiełony» Lijanel Miesi atrymaŭ traŭmu ŭ tavaryskim matčy za zbornuju Arhientyny pa futbole suprać kamandy Handurasa. Ab hetym paviedamlajecca na sajcie Asacyjacyi futboła krainy.
Sustreča adbyłasia ŭ noč na subotu, 28 maja, u arhientynskim San-Chuanie i zaviaršyłasia pieramohaj haspadaroŭ — 1:0. Adziny miač zabiŭ Hansała Ihuain.
Kapitan arhientyncaŭ Lijanel Miesi vyjšaŭ u startavym składzie, a na 64-j chvilinie byŭ zamienieny paśla traŭmy ŭ vyniku sutyknieńnia z paŭabaroncam supiernika. Paśla hulni 28-hadovy forvard prajšoŭ miedabśledavańnie ŭ adnoj z pryvatnych klinik.
Miedyki paviedamili pra paškodžańnie levaj častki hrudnoj kletki (apošnija try rebry) i paraviertebralnaj (raźmieščanaj pobač z pazvanočnikam) pajaśničnaj vobłaści.
Miesi prajšoŭ kampjutarnuju i mahnitna-rezanansnuju tamahrafiju. Pra toje, kali jon zdoleje vyjści na pole, nie paviedamlajecca.