Estonija zaklikała NATA raźmiaścić u krainach Bałtyi ZRK Patriot
Bałtyjskija krainy dla adkazu na patencyjnaje ŭvarvańnie Rasii majuć patrebu ŭ zienitna-rakietnych kompleksach Patriot, skazaŭ kamandujučy Siłami biaśpieki Estonii Rycha Teras u intervju haziecie Financial Times, pieradaje BNS.
Rycha Teras, fota Tairo Lutter, Postimees
U toj čas, kali NATA razhladaje ideju ab raźmiaščeńni čatyroch bataljonaŭ u svaich uschodnich krainach, raście aściaroha, što hetaha nie chopić dla nadziejnaha strymlivańnia, jakoje praduchiliła b ahresiju z boku Rasii, adznačaje hazieta ŭ apublikavanym u čaćvier artykule.
Hienierał-lejtenant Teras skazaŭ, što niedastatkovyja zdolnaści supraćpavietranaj abarony zrabili Bałtyjski rehijon uraźlivym pierad niečakanym napadam Rasii.
NATA pavinna razhledzieć varyjant pavieličeńnia kolkaści vajennych samalotaŭ u rehijonie i skłaści płan raźmiaščeńnia rakiet Patriot.
Pa słovach Terasa, vielmi važnaj z punktu hledžańnia abaranazdolnaści Estonii źjaŭlajecca zdolnaść supraćpavietranaj abarony. «My pavinny być hatovyja, my pavinny vyrašyć, što nam rabić. Rasija pavodzić siabie apartunistyčnym čynam. Kali adkryjecca akno mahčymaściaŭ, jana im skarystajecca», - dadaŭ Teras.
«Bałtyjskija krainy možna razhladać jak vostraŭ, - skazaŭ Teras. —Roźnica nievialikaja … pa ich prachodziać ŭsiaho adna čyhunka i dźvie šašy»
Lidary NATA abmiarkujuć pavyšeńnie abaranazdolnaści Uschodniaj Jeŭropy na majučym adbycca ŭ lipieni samicie ŭ Varšavie.