Pucin, Parašenka, Mierkiel i Aland abmierkavali Danbas i Siryju
Prezident Rasii Uładzimir Pucin pravioŭ telefonnyja pieramovy z kiraŭnikami Ukrainy, Hiermanii i Francyi. Lidary «narmandskaj čaćviorki» abmierkavali Danbas i situacyju ŭ Siryi
Telefonnaja razmova pamiž Uładzimiram Pucinym, Piatrom Parašenkam, Anhiełaj Mierkiel i Fransua Alandam adbyłasia ŭ noč na aŭtorak, 23 maja, havorycca ŭ paviedamleńni na sajcie Kramla. Lidary Rasii, Ukrainy, Hiermanii i Francyi abmierkavali pytańni ŭrehulavańnia na paŭdniovym uschodzie Ukrainy.
U chodzie razmovy ŭzdymałasia pytańnie ab pavyšeńni efiektyŭnaści dziejnaści ŭ zonie kanfliktu na paŭdniovym uschodzie Ukrainy śpiecyjalnaj manitorynhavaj misii ABSIE «šlacham nadańnia joj dadatkovych paŭnamoctvaŭ», adznačajecca ŭ paviedamleńni.
«Uładzimir Pucin zaklikaŭ da nieadkładnaha spynieńnia abstrełaŭ ukrainskimi ŭzbrojenymi farmiravańniami nasielenych punktaŭ Danbasa. Padkreślena, što klučavym elemientam ŭrehulavańnia pavinien stać pramy dyjałoh Kijeva z Danieckam i Łuhanskam», - paviedamlaje Kreml.
U paviedamleńni ŭkrainskaj pres-słužby havaryłasia, što Parašenka zaklikaŭ Rasiju vyzvalić «usich ukrainskich zakładnikaŭ, uklučajučy Nadzieju Saŭčanka, Hienadzia Afanaśjeva, Juryja Sałašenku».