Nazvany pieršy łaŭreat premii fondu Barysa Niamcova
Pieršuju premiju fondu Barysa Niamcova atrymaje eks-deputat Pskoŭskaha zakanadaŭčaha schodu dyrektar haziety «Pskovskaja hubiernija» Leŭ Šłośbierh, paviedamiŭ kiraŭnik apiakunskaj rady fondu Uładzimir Kara-Murza-małodšy.
Leŭ Šłośbierh
Fond Barysa Niamcova ŭručaje premiju za mužnaść u adstojvańni kaštoŭnaściaŭ svabody i demakratyi ŭ Rasii. Usiaho na premiju pretendavali 45 čałaviek, piaciora finalistaŭ byli adabranyja z dapamohaj hałasavańnia na sajcie «Novoj haziety».
Premija budzie ŭručana Lvu Šłośbierhu ŭ Bonie 12 červienia.
***
Fond Barysa Niamcova zarehistravany dačkoj palityka Žannaj Niamcovaj, arhanizacyja pačała pracu ŭ Hiermanii ŭ listapadzie 2015 hoda.
U žniŭni 2014 hoda Leŭ Šłośbierh apublikavaŭ rasśledavańnie ab hibieli pskoŭskich desantnikaŭ, jakija mahli być zabityja va Ukrainie. Paśla publikacyi materyjału na Šłośbierha byŭ ździejśnieny napad.