Paŭła Mažejku nia vypuścili ź Biełarusi
3 traŭnia biełaruskija pamiežniki nie dazvolili hrodzienskamu žurnalistu Paŭłu Mažejku (pres-sakratar byłoha kandydata ŭ prezidenty Alaksandra Milinkieviča), vyjechać ź Biełarusi ŭ Polšču. Žurnalist źbiraŭsia ŭ Varšavu, kab uziać udzieł u prahramie polskaha telekanału TVP1 «Bialorus-Bialorus».
3 traŭnia biełaruskija pamiežniki nie dazvolili hrodzienskamu žurnalistu Paŭłu Mažejku (pres-sakratar byłoha kandydata ŭ prezidenty Alaksandra Milinkieviča), vyjechać ź Biełarusi ŭ Polšču. Žurnalist źbiraŭsia ŭ Varšavu, kab uziać udzieł u prahramie polskaha telekanału TVP1 «Bialorus-Bialorus».
P. Mažejka źbiraŭsia vyjechać ciahnikom «Hrodna -- Kuźnica Biełastockaja» u 14.50 i pryjšoŭ na vakzał za 40 chvilin da jaho adpraŭleńnia. (Pašpartny kantrol i mytny dahlad u Hrodna pasažyry prachodziać u budynku vakzału). Pa słovach žurnalista, ludziej z Hrodna jechała zusim niašmat, i ŭ pamiežnikaŭ było dastatkova času dla taho, kab pravieryć jaho rečy (1 sumka). Adnak pravierka doŭžyłasia bolš za hadzinu: pravieryŭšy dakumienty, ad P. Mažejki zapatrabavali zadekłaravać usie rečy, a potym pačali składać akt mytnaha dahladu, uvieś čas kansultujučysia ź niekim pa telefonie. Prykładna praz hadzinu jamu zajavili, što nie mohuć vypuścić za miažu, «tym bolš što i ciahnik užo pajšoŭ».
Žurnalist nie vyklučaje, što heta źviazana ź jaho mierkavanym ŭdziełam u polskaj teleprahramie. Jon kaža, što budzie paŭtorna sprabavać trapić u Polšču, bo ŭsie patrebnyja dla hetaha dakumienty ŭ jaho jość.
Pres-słužba HA «Biełaruskaja asacyjacyja žurnalistaŭ»