Alaksandr i Mikałaj Łukašenki sustrelisia z Papam Franciškam FOTY
Fota Radyjo Vatykana
Pantyfik Francišak vitaŭ Alaksandra Łukašenku pierad uvachodam u biblijateku ŭ zale Śviatych Piatra i Paŭła. Paśla karotkaha abmienu pryvitańniami kiraŭnik Biełarusi i Papa Rymski prajšli ŭ biblijateku, dzie pačałasia ich sustreča ŭ farmacie «sam-nasam».
Sustreča Alaksandra Łukašenki i Papy Franciška praciahvałasia kala 40 chvilin, ź ich 25 chvilin prezident i Papa Rymski razmaŭlali ŭ farmacie «sam-nasam».
Łukašenka padaryŭ Papu Francišku kopiju kryža Jeŭfrasińni Połackaj i zaprasiŭ u Biełaruś
Fota Radyjo Vatykana
Fota Radyjo Vatykana
Fota Radyjo Vatykana
Fota Radyjo Vatykana
Fota Radyjo Vatykana
president.gov.by
Sustreča Alaksandra Łukašenki i Papy Franciška praciahvałasia kala 40 chvilin, ź ich 25 chvilin kiraŭnik Biełarusi i pantyfik razmaŭlali ŭ farmacie «sam-nasam».
Sustreča prachodziła ŭ vielmi ciopłaj i siabroŭskaj atmaśfiery. Užo ŭ prysutnaści členaŭ aficyjnaj delehacyi baki abmianialisia padarunkami.
Kiraŭnik biełaruskaj dziaržavy padnios u dar pantyfiku kopiju kryža Jeŭfrasińni Połackaj, vykananuju z dapamohaj unikalnaj techniki raźby pa drevie, madel karety, zroblenuju pavodle hetaj ža technałohii, a taksama hałahrafičnuju ikonu. Jak adznačyŭ prezident, hety abraz złučaje ŭ sabie historyju i sučasnaść.
president.gov.by
president.gov.by
Papa Francišak, u svaju čarhu, padaryŭ prezidentu Biełarusi try napisanyja im dakumienty ab Jevanhielli, achovie pryrody i siamji.
Alaksandr Łukašenka paabiacaŭ aznajomicca ź ich źmiestam i pieradać ich na zachoŭvańnie ŭ Prezidenckuju biblijateku. Jašče adzin padarunak pantyfika — mastackaje adlustravańnie aliŭkavaha dreva, jakoje źjaŭlajecca simvałam miru. U hetym płanie Papa Rymski asabliva padkreśliŭ tuju mirnuju misiju, jakuju ŭziała na siabie Biełaruś. «Minsk moža być miescam miru», - skazaŭ jon.
U zaviaršeńni sustrečy prezident Biełarusi i pantyfik ciopła raźvitalisia. Alaksandr Łukašenka prapanavaŭ Papie Rymskamu Francišku naviedać vystavu biełaruskich abrazoŭ, jakaja niadaŭna adkryłasia ŭ muziejach Vatykana.
Jon taksama zaprasiŭ pantyfika ździejśnić vizit u Biełaruś. «Pryjazdžajcie da nas. Vy atrymajecie stolki sił i zdaroŭja, kolki ni ŭ adnoj kropcy śvietu», - skazaŭ jon.
Paśla aŭdyjencyi ŭ Papy Rymskaha adbyłasia taksama sustreča Alaksandra Łukašenki ź Dziaržaŭnym sakratarom Vatykana Pjetra Paralinam.