U Hrodnie na biłbordzie pierabłytali Kołasa i Kupału FOTAFAKT
U Hrodnie na płakatach, jakija źjavilisia da Fiestyvalu nacyjanalnych kultur, pierabłytali dvuch biełaruskich paetaŭ. Biłbordy źjavilisia ŭ horadzie niadaŭna.
Fota z fejsbuka Michasia Skobły
Fatahrafiju ź vialikim płakatam na adnoj z vulic Hrodna vykłaŭ u svaim akaŭncie ŭ «Fejsbuku» paet Michaś Skobła. Na biłbordzie napisanyja słovy Jakuba Kołasa: «Nijakaje bahaćcie ludziej nie byvaje daražejšym za ich rodnuju movu». Jany, i praŭda, naležać narodnamu paetu Biełarusi. A voś z partretam kłasika paŭstała błytanina — zamiest Jakuba Kołasa na płakacie adlustravany małady Janka Kupała
U arhkamitecie fiestyvalu pra prykruju pamyłku viedajuć.
— Tak, my ŭ kursie. Techničnaja pamyłka. Pierabłytali, kali drukavali płakaty — z kim nie byvaje, — prakamientavali tam situacyju.
Płakaty abiacali vypravić.