U Mižziemnym mory znojdzienyja abłomki źnikłaha samalota EgyptAir i cieły pasažyraŭ
U Mižziemnym mory znojdzienyja abłomki źnikłaha samalota EgyptAir, pryvodzić Reuters paviedamleńnie hrečaskaha dziaržaŭnaha telebačańnia.
Telekanał spasyłajecca na krynicy ŭ abaronnych strukturach Hrecyi, piša Słon. Udakładniajecca, što abłomki — čyrvony i bieły kavałki płastyku — znajšli ŭ 370 kiłamietrach na poŭdzień ad vostrava Kryt.
Heta znachodzicca pobač z tym miescam, adkul raniej udałosia pačuć sihnał, što sychodziŭ, jak miarkujecca, ad samalota, adznačaje surazmoŭca ahienctva.
Pavodle dadzienych Al Arabiya, taksama znojdziena dva cieły, jak miarkujecca, pasažyraŭ źnikłaha raniej samalota.