Najstarejšy ŭ śviecie kulik-maradunka žyvie ŭ Biełarusi
Najstarejšy ŭ śviecie kulik-maradunka žyvie ŭ Biełarusi, paviedamili ŭ hramadskaj arhanizacyi «Achova ptušak Baćkaŭščyny» (APB).
fota APB
Na stancyi kalcavańnia ptušak u Turavie 13 maja padčas viačerniaj pravierki pastak byŭ znojdzieny kulik-maradunka. «Hetaja ptuška dla Biełarusi redkaja (u Turavie hetamu vidu navat ustalavany pomnik). Ale mienavita hetaja asobina stała, mabyć, samaj redkaj: na ptušcy akazałasia kolca 17-hadovaj daŭniny. Heta robić ptušku samaj staroj u śviecie maradunaj», — adznačyli ŭ APB. Za svajo žyćcio jana pralacieła kala 200 tys. km. Da hetaha viadomy maksimum składaŭ 16 hadoŭ, ptušku adznačali ŭ Finlandyi.
Supracoŭniki NPC pa bijaresursach NAN Biełarusi, jakija pravodziać siezon na stancyi kalcavańnia, padniali papiery i staryja zapisy. Akazałasia, što hetaja maradunkia była akalcavanaja ptušaniom na łuzie kala vioski Zapiasočča 21 červienia 1999 hoda. Nastupnyja sustrečy z arnitołahami adbylisia ŭ čas pieraadłovaŭ u 2005 i 2011 hadach. Čaćviortaja sustreča pryjšłasia na maj 2016-ha i zrabiła ptušku najstarejšaj maradunkaj śvietu.
Kulika-maradunku na hniezdavańni možna sustreć ad Finlandyi da Čukotki. Zimujuć ptuški va ŭschodniaj Afrycy.