ČS pa chakiei: datčanie abyhrali čechaŭ, Hiermanija pieramahła ZŠA, a Finlandyja razhramiła Słavakiju
Dziasiaty dzień čempijanatu śvietu pa chakiei ŭ Rasii pačaŭsia z dvuch siensacyjnych vynikaŭ.
IIHF
Zbornaja Hiermanii pieramahła kamandu ZŠA ź likam 3:2. Try razy pa chodzie sustrečy niemcy vychodzili napierad, ale tolki apošni ich hoł nie atrymaŭ adkazu ad amierykanskaj kamandy.
Spačatku za vynikovym kidkom Patryka Chahiera byŭ adkaz ad Džejka Makiejba. Zatym na hoł Kryścijana Erchafa ZŠA adkazali šajbaj Ostana Mećjuza. A voś hoł Karbiniana Cholcara za 33 siekundy da kanca matču staŭ pieramožnym.
Takim čynam, zbornaja Hiermanii praktyčna harantavała sabie vychad u čverćfinał čempijanatu śvietu. A voś amierykancy ŭ vypadku parazy ŭ asnoŭny čas ad słavakaŭ zastanucca za bortam płej-of.
Finlandyja siońnia razhramiła Słavakiju — 5:0.
Finlandyja — 18 (6 hulniaŭ), Kanada — 15 (5), Hiermanija — 10 (6), ZŠA — 9 (6), Słavakija — 6 (6), Francyja — 5 (5), Vienhryja — 3 (6), Biełaruś — 3 (6).
U paniadziełak hulajuć: Kanada — Francyja, Hiermanija — Vienhryja.
***
U druhoj hrupie datčanie siensacyjna vyjhrali ŭ čechaŭ. Pry hetym paśla dvuch pieryjadaŭ padapiečnyja Uładzimira Vujteka byli napieradzie dziakujučy šajbie Tomaša Plekanieca. Na 44-j chvilinie Morten Madsen zraŭniaŭ lik. Aviertajm pieramožcu nie vyjaviŭ, a ŭ sieryi bulitaŭ macniejšymi akazalisia datčanie.
Takim čynam, mienavita datčanie stanoviacca hałoŭnym pretendentam na čaćviortaje miesca ŭ hrupie A.