Tut była majsternia Barazny
Heta byŭ staraśviecki dom, pomnik architektury XIX st., pa kolišniaj Fielicyjanaŭskaj vulicy (ciapier Kamsamolskaj), №15. Jahony zacišny dvoryk, spavity pluščom, u šatach staroha jasienia, pa jakim łazili kacianiaty, byŭ dobra viadomy mienčukam.
Heta byŭ staraśviecki dom, pomnik architektury XIX st., pa kolišniaj Fielicyjanaŭskaj vulicy (ciapier Kamsamolskaj), №15. Jahony zacišny dvoryk, spavity pluščom, u šatach staroha jasienia, pa jakim łazili kacianiaty, byŭ dobra viadomy mienčukam.
U hetym budynku niekali była majsternia mastaka i mastactvaznaŭcy Lavona Barazny, adnaho ź lideraŭ nacyjanalna‑kulturnicaha ruchu Biełarusi ŭ 1960‑ia. Jon trahična zahinuŭ pry niavyśvielenych abstavinach 15 žniŭnia 1972 hodu, akurat u dvoryku pad voknami majsterni. Pierad zabojstvam Lavon Barazna rychtavaŭ akcyi pratestu intelihiencyi suprać razbureńnia Niamihi…
Paśla tutsama była majsternia i Viktara Šmatava, słavutaha historyka mastactva. Peŭna, tut pisalisia jahonyja knihi, biez spasyłak na jakija siońnia nie abychodzicca nivodnaja navukovaja praca pra spadčynu Skaryny. Jak navukoviec i krytyk jon daśledavaŭ knižnuju i stankovuju hrafiku Biełarusi, sučasnaje mastactva.
Dom byŭ u vydatnym stanie, tam źmiaščałasia krama švajcarskich hadzińnikaŭ, za što jaho nazyvali «švajcarskim domam». U knizie «Pamiatniki architiektury Minska…» (1984), jon apisany tak:
«Architektura fasadaŭ nosić paradny charkatar, što charakterna dla hałoŭnych vulicaŭ horadu. Dom №15 składajecca z troch častak: trochpaviarchovaj, što maje ŭ centry prajeznuju arku i balkon na trecim paviersie, i dvuchpaviarchovaj». Prastornaje pamiaškańnie na vierchnim paviersie było dvuchśvietłavym, tudy, u majsterni, traplała śjatło i z voknaŭ na trecim paviersie, i z dachu…
Ale ŭnikalnaja planiroŭka nie adpaviadała ŭmovam novaha zakazčyka. Zakazčyk investuje ŭ budynak — budynak znosiać i budujuć novy. Dazvoł daje Kamitet pa achovie historyka‑kulturnaj spadčyny pry Ministerstvie kultury. Abjekty z betonu j novaje cehły zamianiajuć adzin za adnym aŭtentyčnyja pomniki ŭ Miensku.