Ułady ZŠA zabaranili elektronnyja cyharety maładziejšym za 18 hod
Urad ZŠA ŭvioŭ novyja fiederalnyja praviły, jakija zabaraniajuć prodaž elektronnych cyharet asobam, jakija nie dasiahnuli 18-hadovaha ŭzrostu.
Akramia taho, vytvorcy elektronnych cyharet buduć abaviazanyja davać svaju pradukcyju dla pravierki va Upraŭleńnie pa sanitarnym nahladzie za jakaściu charčovych praduktaŭ i miedykamientaŭ.
Novyja praviły zakranuć taksama cyhary i tytuń dla lulek i dla kaljanaŭ.
Pavodle dadzienych daśledavańnia, praviedzienaha ministerstvam zdaroŭja ZŠA, spažyvańnie elektronnych cyharet siarod studentaŭ vyrasła z 1,5% u 2011 hodzie da 16% u 2015 hodzie, taksama vyjaŭleny rost spažyvańnia kaljannoho tytuniu.
Novyja praviły abaviazvajuć pradaŭcoŭ paćviardžać uzrost pakupnikoŭ tytuniu i zabaraniajuć prodaž tytuniovaj pradukcyi ŭ aŭtamatach.
Elektronnyja cyharety nie ŭtrymlivajuć smoł i chimičnych rečyvaŭ, jakija jość u cyharetnym tytuni, i časta vykarystoŭvajucca tymi, chto choča kinuć palić. Pry hetym u ich utrymlivajecca nikacin, jaki vyklikaje pryvykańnie.
Pa słovach ministra achovy zdaroŭja i sacyjalnych słužbaŭ ZŠA Silvii Biorueł, uviadzieńnie novych normaŭ stała «važnym krokam na šlachu da pakaleńnia, jakoje nie kuryć».