U Minsportu znajšli hrošy na Hurkova — jon jedzie na čempijanat śvietu pa muaj-taj
Pra heta nam siońnia raskazaŭ sam baksior.
«Ja na zborach, usio narmalova, idzie padrychtoŭka, na čempijanat jedu!», — skazaŭ siońnia Vital Hurkoŭ «Našaj Nivie».
«Atmaśfiera tut vydatnaja, usie zajmajucca svajoj spravaj i nie zhadvajuć nijakich byłych kanfliktaŭ, zadača staić być manalitnaj kamandaj i pieramahać», — dadaŭ taksama baksior i raskazaŭ, što hrošy na jahonuju pajezdu na čempijanat śvietu pa muaj-taj, što projdzie ŭ šviedskim Jončopinhu z 19 pa 28 maja, adšukalisia adrazu ž, jak tolki padniaŭsia šum u internecie.
Baksior prasiŭ pieradać jahonuju padziaku ministerstvu za taki apieratyŭny i paśpiachovy pošuk srodkaŭ.
Nahadajem, što niadaŭna vakoł dziesiacirazovaha čempijona śvietu pa Muaj-taj razyhraŭsia skandał.
Paśla taho, jak Hurkoŭ upeŭniena pieramoh na čempijanacie Biełarusi i prajšoŭ adbor na suśvietnaje pieršynstvo, stała viadoma, što pajezdka ŭ Šviecyju pad pahrozaj nibyta praz «adsutnaść srodkaŭ».
Heta tłumačyłasia tym, što Hurkoŭ nie znachodzicca na staŭcy ŭ Minsportu — Vital syšoŭ adtul praź niemahčymaść spałučać znachodžańnie ŭ zbornaj i svaje vystupy ŭ Brutto.
U adkaz biełarusy tałakoj za niekalki hadzin sabrali Hurkovu 3000 jeŭra, nieabchodnyja dla pajezdki. Adnak Vital tady nie uziaŭ hety hrošy, skazaŭšy, što lepš addać ich u dziciačy dom.