Stała viadoma, jakoje zvańnie mieła Domračava ŭ KDB
Daŭnim sprečkam adnosna taho, ci źjaŭlajecca Darja Domračava supracoŭnikam KDB, narešcie dadzieny adkaz.
Darja Domračava i Valeryj Vakulčyk.
Hrodzienski žurnalist Andrej Pačobut źviarnuŭ uvahu na prafajł Hieroja Biełarusi Darji Domračavaj na sajcie BFST «Dynama». U im adznačajecca, što spartsmienka prachodzić słužbu ŭ KDB. Jana maje zvańnie staršaha lejtenanta.
Fiederacyi bijatłona Biełarusi ŭznačalvaje staršynia KDB Valeryj Vakulčyk. Raniej hetuju pasadu zajmali jahonyja papiaredniki ŭ kamitecie – Vadzim Zajcaŭ, Juryj Žadobin, Ściapan Sucharenka.
Mnohija biełaruskija bijatłanisty paśla skančeńnia karjery iduć pracavać u KDB. U ŚMI źjaŭlalisia paviedamleńni pra pierachod u pracy ŭ KDB Ludmiły Anańki, Volhi Nazaravaj, Volhi Kudrašovaj i inšych.
Darja Domračava – unikalnaja biełaruskaja bijatłanistka. Jana trochrazovy alimpijski čempijon (2014), a taksama ŭładalnica Vialikaha kryštalnaha hłobusa (2015). Hety hod jana prapuściła starty, ciapier Domračava čakaje dzicia ad słavutaha narviežskaha bijatłanista Ole-Ejnara Bjorndalena.