Aŭstryja rezka ŭzmacniła žorstkaść zakanadaŭstva ab mihrantach
Parłamient u Vienie ŭ sieradu, 27 krasavika, značnaj bolšaściu hałasoŭ pryniaŭ zakonaprajekt, jaki dazvalaje ŭradu prymianiać žorstkija miery ŭ metach spynieńnia napłyvu nielehalnych mihrantaŭ.
Zhodna z novym zakanadaŭstvam, urad atrymlivaje prava abjaŭlać nadzvyčajnaje stanovišča z-za mihracyjnaha kryzisu. Stan NS vyznačajecca jak pahroza hramadskamu paradku i ŭnutranaj biaśpiecy. Kali ŭrad vyrašyć skarystacca pravam uviadzieńnia režymu NS, to heta rašeńnie pavinna być znoŭ zaćvierdžana parłamientam.
U hetym vypadku aŭstryjskija ŭłady atrymajuć prava prymać chadajnictvy ab prytułku tolki ad peŭnych katehoryj biežancaŭ — ad mihrantaŭ, u jakich u Aŭstryi blizkija svajaki, ad niepaŭnaletnich biez supravadžeńnia darosłych i ad žančyn z maleńkimi dziećmi. Usie astatnija biežancy buduć padlahać vydvareńniu ŭ susiednija krainy.
Režym nadzvyčajnaha zdareńnia pieršapačatkova ŭvodzicca terminam na paŭhoda, ale moža być praciahnuty da dvuch hadoŭ.
Raniej pastupili paviedamleńni ab tym, što ŭłady Aŭstryi razhladajuć mahčymaść ustanoŭki pahraničnaha płota z dracianoj sietki na pieravale Brenier — najbolš vykarystoŭvanym darožnym złučeńni pamiž Aŭstryjaj i Italijaj. Pra heta paviedamiŭ načalnik palicyi ziamli Tyrol Chielmut Tomač.
Jon adznačyŭ, što 400-mietrovy płot, jaki budzie pieranosnym, moža być ustalavany ŭ luby čas u tym vypadku, kali spatrebicca spynić masavy prytok biežancaŭ, pakul ža takoj nieabchodnaści niama.