Biełaruś padpisała Paryžskaje pahadnieńnie pa klimacie
Biełaruś padpisała siońnia Paryžskaje pahadnieńnie pa klimacie, paviedamili ŭ Pastajannym pradstaŭnictvie Biełarusi pry AAN.
Va ŭračystaj cyrymonii padpisańnia dakumienta, jakaja prajšła siońnia ŭ štab-kvatery AAN u Ńju-Jorku, uziali ŭdzieł 170 krain. Podpis pad Paryžskim pahadnieńniem pa klimacie pastaviŭ ministr zamiežnych spraŭ Biełarusi Uładzimir Makiej.
Tekst pahadnieńnia Biełaruś u liku 195 krain ŭchvaliła ŭ čas 21-j Kanfierencyi bakoŭ Ramačnaj kanviencyi AAN pa klimacie, jakaja prajšła 12 śniežnia 2015 hoda ŭ Paryžy.
Siońnia hienieralny sakratar AAN Pan Hi Mun zaklikaŭ dziaržavy — siabry arhanizacyi jak maha chutčej ratyfikavać na nacyjanalnym uzroŭni Paryžskaje pahadnieńnie pa klimacie z ulikam chutkich i hłabalnych źmien u hetaj śfiery na płaniecie.