Prezident Balivii pryznaŭsia, što rehularna žuje liście koki
Prezident Balivii Eva Marales padčas naviedvańnia Vatykana paviedamiŭ Papu Francišku, što vymušany byŭ pačać rehularna ŭžyvać liście koki ŭ suviazi z prablemami sa zdaroŭjem.
U Balivii i susiednich krainach — Pieru i Arhiencinie — žavańnie liścia koki, ź jakich vyrablajuć kakain, — daŭniaja tradycyja, jakaja naličvaje tysiačy hadoŭ.
Adnak u Balivii žavańnie liścia nijak nie źviazvajuć z narkatyčnaj zaležnaściu i naohuł nie ličać škodnaj zvyčkaj, śćviardžajučy, što heta dapamahaje lepš pieranosić umovy vysakahorja.
Prezident Eva Marales, jaki ŭ minułym byŭ fiermieram i vyroščvaŭ kusty koki, aktyŭna padtrymlivaje tradycyjnaje vykarystańnie kakainavych kustoŭ.
AAN rehularna krytykuje ŭłady krainy za lehalizacyju promysłu hetaj raśliny.
U minułym hodzie, kali Papa Rymski ździajśniaŭ pajezdku pa krainach Łacinskaj Amieryki, mnohija ŚMI zadavalisia pytańniem, ci budzie jon ŭžyvać liście koki, kab spravicca z hornaj chvarobaj. Paśla pajezdki Papa paviedamiŭ, što nie ŭžyvaŭ ich.