Minzdaroŭja zaćvierdziła pieralik chvarob, pry najaŭnaści jakich nielha kiravać aŭto
Ministerstva achovy zdaroŭja vyznačyła pieralik zachvorvańniaŭ i supraćpakazańniaŭ, jakija pieraškadžajuć kiravańniu miechaničnymi srodkami transpartu, samachodnymi mašynami. Taksama prapisanyja ŭmovy, pry datrymańni jakich asoby dapuskajucca pa miedycynskich pakaźnikach da kiravańnia.
Tekst dakumienta apublikavany 2 krasavika na Nacyjanalnym pravavym internet-partale i nabudzie moc praz 15 dzion.
U pieralik trapili zachvorvańni i supraćpakazańni, ź jakimi nielha sadzicca za rul za transpartnych srodkaŭ roznych katehoryj — ad matacykłaŭ i lehkavych aŭto da traktaroŭ.
Siarod niekalkich dziasiatkaŭ chvarobaŭ z hetaha pieraliku — zachvorvańni vačej i prydatačnaha aparatu, vucha, soskapadobnaha adrostku, horła, hartani, trachiei, šerah chirurhičnych zachvorvańniaŭ, zachvorvańniaŭ unutranych orhanaŭ, niervovaj sistemy. Da takich supraćpakazańniaŭ adniesienaja i ciažarnaść 12 tydniaŭ i bolš, rost kiroŭcy, mienšy za 145 santymietraŭ. Pry najaŭnaści ankałahičnych zachvorvańniaŭ patrebny dazvoł doktara-ankołaha.
Dla kožnaha zachvorvańnia jość šerah umovaŭ, pry jakich asoby dapuskajucca da kiravańnia transpartnym srodkam.