Polšča ŭvodzić «źnižki biełarusa»
Artykuł byŭ apublikavany ŭ jakaści žartu na 1 krasavika
Z 1 maja 2016 hoda ŭ Padlašskim vajavodstvie Polščy pačnuć dziejničać dadatkovyja skidki na šerah tavaraŭ dla haściej ź Biełarusi. Heta źviazana z žadańniem handlovych sietak pavialičyć prodažy.
Da akcyi dałučylisia hipiermarkiety Auchan i Real, hipiermarkiet haspadarčych tavaraŭ Leroy Merlin, handlovy centr Galeria Biala, hipiermarkiet techniki Media Markt.
Jak piša internet-partał «Virtualny Biełastok», dadatkovaja 10-pracentnaja skidka budzie rabicca prosta pa pradjaŭleńni biełaruskaha pašparta ź dziejnaj polskaj vizaj pry ŭmovie nabyćcia tavaru na ahulnuju sumu bolš za 500 złotych (kala 143 dalaraŭ).
«Taks fry» z nabytych tavaraŭ možna budzie viarnuć u zvyčajnym paradku.
Na majučych «kartu stałaha pobytu» z rehistracyjaj na terytoryi Polščy abo ŭładalnikaŭ «karty palaka» akcyja nie raspaŭsiudžvajecca. Bo meta arhanizataraŭ akcyi — pryciahnuć u Biełastok tych klijentaŭ, jakija raniej tudy nie pryjazdžali. U pryvatnaści, žycharoŭ Bresta, jakija ciapier addajuć pieravahu kramam u Tarespali i Biełaj-Padlašskaj.
Akcyja budzie pravodzicca pad słohanam «Źnižki biełarusa».