Asad abvinavaciŭ «armiju Erdahana» va ŭvarvańni ŭ Siryju
Siryjski lidar Bašar Asad raskrytykavaŭ prezidenta Turcyi Redžepa Erdahana i zajaviŭ, što «armija Erdahana» viadzie bajavyja dziejańni ŭ Siryi.
«Siońnia vajna suprać Erdahana i suprać Saudaŭskaj Aravii vyjaŭlajecca ŭ baraćbie z terarystami. I tureckaja armija, jakaja nie tureckaja, heta armija Erdahana, siońnia vajuje ŭ Siryi», — skazaŭ Asad u intervju rasijskamu ahienctvu RIAN, druhaja častka jakoha była apublikavanaja ŭ čaćvier.
«Jon [Erdahan] naŭprost padtrymlivaje terarystaŭ. Jon dazvalaje im pieramiaščacca na tureckuju terytoryju, ździajśniać manieŭry z vykarystańniem tankaŭ», — zajaviŭ Asad.
Raniej tyja ž abvinavačvańni suprać Erdahana vystaŭlała rasijskaje ministerstva abarony. U kancy śniežnia na bryfinhu ŭ Maskvie pradstaŭniki viedamstva zajavili, što Turcyja źjaŭlajecca asnoŭnym pakupnikom nafty ŭ ekstremisckaj hrupoŭki «Isłamskaja dziaržava», a ŭ handal ź ID uciahnutyja asabista Erdahan i jaho siamja.
Sam Erdahan kateharyčna heta admaŭlaŭ i zajaviŭ, što hatovy syści ŭ adstaŭku ŭ vypadku, kali hetyja abvinavačvańni buduć dakazanyja. Ułady Turcyi taksama raniej nieadnarazova adprečvali abvinavačvańni ŭ vajennaj prysutnaści na terytoryi Siryi.