Nacyjanalisty sprabavali sarvać žałobnaje mierapryjemstva ŭ Bruseli: suprać ich užyli vadamioty
Palicyja ŭžyła vadamioty dla razhonu ahresiŭna nastrojenaha natoŭpu ŭ centry bielhijskaj stalicy. Niahledziačy na admienu zapłanavanaha šeścia, akcyja ŭ pamiać achviar teraktaŭ usio roŭna adbyłasia.
Reuters.com
U centry Brusela pravaradykały pasprabavali ŭ niadzielu, 27 sakavika, sarvać žałobnaje mierapryjemstva ŭ pamiać pra achviar teraktaŭ u aeraporcie i mietro. Niekalki sotniaŭ ahresiŭna nastrojenych maładych ludziej sabralisia ŭ centry bielhijskaj stalicy. Jany vykrykvali nacyjanalistyčnyja łozunhi i sprabavali trapić da impravizavanaha miemaryjała na adnoj z centralnych płoščaŭ.
Palicyja ŭžyła vadamioty dla razhonu ahresiŭna nastrojenaha natoŭpu. Kala 10 čałaviek zatrymanyja.
Napiaredadni ŭłady paprasili admianić zapłanavanuju na niadzielu akcyju ŭ pamiać achviar teraktaŭ pad nazvaj «Marš suprać strachu». Ministr unutranych spraŭ Bielhii Jan Jambon i burhamistr Brusela Ivan Major paprasili ludziej nie źbiracca na demanstracyju, bo palicyja pierahružanaja pracaj z-za terarystyčnaj pahrozy i nie zmoža naležnym čynam harantavać biaśpieku ŭdzielnikaŭ akcyi.
Tym nie mienš u niadzielu ad 500 da 1000 čałaviek sabralisia ŭ centry Brusela, kab ušanavać pamiać achviar trahiedyi.