Šnuraŭ nazvaŭ Alisu Voks siaredniaj «piavičkaj» i zabaraniŭ vykonvać pieśniu pra «łabuteny»
Siarhiej Šnuraŭ zajaviŭ, što eks-vakalistka hurta «Leninhrad» Alisa Voks nie budzie vykonvać chit «Ekspanat» pra «łabuteny». Dadzienaja pieśnia naležyć hrupie «Leninhrad».
Muzyki hurta zajavili, što Šnuraŭ zvolniŭ Alisu. Paśla jaje sychodu lidar hurta dazvoliŭ sabie niekalki vykazvańniaŭ. Pa-pieršaje, jon zajaviŭ, što kampazicyja «Ekspanat» stała papularnaj nie z-za Alisy, a dziakujučy soła na saksafonie. Pa-druhoje, ad jaho prahučała takaja fraza: «Rablu ź siarednich piavičak całkam sabie zoračak».
Taksama Šnuraŭ namiaknuŭ, što Alisa «zaźviaździłasia». I zajaviŭ, što nie ŭmieje pracavać z «bahiniami». «My tut harški abpalvajem», — adznačyŭ śpiavak.