Sapraŭdy ŭvaskres! Katoliki i pratestanty śviatkujuć Vialikdzień
Katoliki i pratestanty va ŭsim śviecie i ŭ Biełarusi 27 sakavika śviatkujuć Vialikdzień — śviata ŭ pamiać pra ŭvaskresieńnie Chrysta.
Fota Iryny Arachoŭskaj.
Na Vialikdzień ludzi vitajucca adno z adnym, kažučy: «Chrystos uvaskres!» I adkazvajuć na toje: «Sapraŭdy ŭvaskres!»
Pravasłaŭnyja sioleta buduć adznačać Vialikdzień bolš jak praź miesiac — 1 maja.
Čamu takaja roźnica pamiž Vialikadniami? Bo Vialikdzień, zhodna z tradycyjaj, śviatkujecca ŭ pieršuju niadzielu paśla viasnovaj poŭni. Katalickaja i pratestanckaja hramady žyvuć pavodle hryharyjanskaha kalendara, tamu Vialikdzień prypadaje na pieryjad času pamiž 23 sakavika i 20 krasavika, a šerah pravasłaŭnych cerkvaŭ trymajucca julijanskaha kalendara, tamu Vialikdzień adznačajecca pamiž 8 krasavika i 5 maja.
Letaś roźnica miž Vialikadniami skłała tydzień — 5 i 12 krasavika, a naleta znoŭ budziem śviatkavać razam — 16 krasavika.