Biełaruskija vajskovyja lotčyki «vyzvalali zachopleny aeradrom»
Lotna-taktyčnyja vučeńni z bajavymi strelbami praviali lotčyki 50-j źmiašanaj avijacyjnaj bazy, dysłakavanaj pad Minskam.
Pavodle infarmacyi prahramy «Našy naviny» telekanała ANT, znachodziačysia ŭ kantakcie pamiž saboj, ekipažy adpracoŭvali ŭzajemadziejańnie ź siłami śpiecyjalnych apieracyj, jakija vykonvajuć bajavyja zadačy na ziamli. Meta - vyzvaleńnie zachoplenaha praciŭnikam vajskovaha aeradroma.
Jašče adnoj zadačaj vučeńniaŭ było chutka i biaśpiečna dastavić hruz u punkt pryznačeńnia. Vajskovyja lotčyki na An-26 i Ił-76 adpracavali desantavańnie parašutnym sposabam i pryziamleńnie ŭ składanych umovach.