U Minsku ŭ studzieni-lutym abjom žyllovaha budaŭnictva skaraciŭsia bolš čym na čverć
U studzieni-lutym 2016 hoda ŭ Minsku arhanizacyjami ŭsich formaŭ ułasnaści pabudavana 772 novyja kvatery (u studzieni-lutym 2015 h. - 1.046). Uviedziena ŭ ekspłuatacyju 55,3 tys. kvadratnych mietraŭ ahulnaj płoščy žylla, što na 26,6% mienš, čym hodam raniej.
Jak paviedamiła hałoŭnaje statystyčnaje ŭpraŭleńnie Minska, dla hramadzian, jakija stajać na ŭliku dla palapšeńnia žyllovych umoŭ, uviedziena ŭ ekspłuatacyju 23,3 tys. kvadratnych mietraŭ ahulnaj płoščy, abo 42,2% ad ahulnaha abjomu ŭviedzienaha žylla.
Z ahulnaha abjomu ŭviedzienaha žylla dla hramadzian, jakija stajać na ŭliku dla palapšeńnia žyllovych umoŭ pabudavana: z vykarystańniem dziaržaŭnaj padtrymki - 12,8 tys. kvadratnych mietraŭ (na 46% mienš), u šmatkvaternych žyłych damach - 23,1 tys. kvadratnych mietraŭ.