Patryjarch Kirył nazvaŭ absalutyzacyju čałavieka i jaho pravoŭ «hłabalnaj jeraśsiu»
Patryjarch Maskoŭski i ŭsiaje Rusi Kirył zaklikaŭ abaranić pravasłaŭje ad «hłabalnaj jerasi čałaviekapakłonstva», paviedamlaje Interfaks.
Fota z sajta RPC
Pa słovach patryjarcha, univiersalnym kryteram iściny ŭ naš čas staŭ čałaviek i jaho pravy. Praz heta, na dumku Kiryła, «pačałosia revalucyjnaje vyhnańnie Boha z čałaviečaha žyćcia, z žyćcia hramadstva».
«Siońnia my havorym ab hłabalnaj jerasi čałaviekapakłonstva, novaha idałapakłonstva, jakoje vyhaniaje Boha z čałaviečaha žyćcia. Ničoha padobnaha ŭ hłabalnym maštabie nikoli nie było. Mienavita na pieraadoleńnie hetaj jerasi sučasnaści, nastupstvy jakoj mohuć mieć apakaliptyčnyja padziei, Carkva pavinna nakiroŭvać siłu svajoj abarony, svajho słova, svajoj dumki», — zajaviŭ patryjarch.
Jon dadaŭ, što ŭ šmatlikich krainach prymajucca namahańni z dapamohaj zakona «zaćvierdzić prava luboha vybaru čałavieka, u tym liku i samoha hrachoŭnaha, jaki išoŭ nasupierak sa słovam božym».