Vizavyja centry Polščy adkrylisia jašče ŭ čatyroch haradach Biełarusi
Vizavyja centry Polščy adkrylisia jašče ŭ čatyroch haradach Biełarusi: Pinsku i Baranavičach (Bresckaja vobłaść), Lidzie (Hrodzienskaja vobłaść), Mahilovie.
Pieršyja čatyry, nahadajem, adkrylisia 1 sakavika ŭ Minsku, Breście, Hrodnie i Homieli. Takim čynam, ciapier u Biełarusi pracuje vosiem polskich vizavych centraŭ.
Varta adznačyć, što 18 sakavika minski vizavy centr pierajechaŭ pa novym adrasie: u handlovy centr «Halilea» na vulicy Babrujskaja, 6, kala čyhunačnaha vakzału.
Jak paviedamiŭ 25 lutaha na pres-kanfierencyi časovy pavierany ŭ spravach Polščy Michał Chabras, polskija vizavyja centry zdolnyja prymać da dźviuch tysiač zajaŭ u dzień. Košt zboru za pasłuhi centra składaje 15 jeŭra ŭ ekvivalencie, zbor spahaniajecca ŭ biełaruskich rublach.
«Adkryćcio vizavych centraŭ značna ablehčyć praces atrymańnia polskaj vizy dla hramadzian Biełarusi, — skazaŭ Chabras. — Heta daść mahčymaść pavysić jakaść absłuhoŭvańnia, vizy stanuć bolš dastupnymi dla biełarusaŭ».
Jon padkreśliŭ, što z pačatkam pracy vizavych centraŭ biełarusy zmohuć vyrašać, jak im padavać zajavu na vizu — samastojna ŭ konsulstva Polščy abo praź vizavy centr.