Futbalist «Łakamatyva» paźbieh dyskvalifikacyi za majku z Pucinym
Sajuz Jeŭrapiejskich futbolnych asacyjacyj (UEFA) nie staŭ karać paŭabaroncu maskoŭskaha «Łakamatyva» Dźmitryja Tarasava dyskvalifikacyjaj za demanstracyju majki z partretam rasiejskaha prezydenta Uładzimira Pucina paśla matču Lihi Jeŭropy.
Jak paviedamlaje pres-słužba UEFA, dyscyplinarnaja kamisija vyrašyła abmiežavacca nakładańniem na hulca štrafu ŭ pamiery piaci tysiač jeŭra, choć za demanstracyju nižniaj bializny z palityčnaj simvolikaj jamu pahražała dziesiacimatčavaja dyskvalifikacyja.
Incydent, jaki staŭ pryčynaj razboru, adbyŭsia 16 lutaha paśla matču pamiž «Łakamatyvam» i tureckim «Fienierbachče». Tarasaŭ źniaŭ futbołku, pad jakoj była majka z vyjavaj Pucina i nadpisam «Samy vietlivy prezident».
Pry hetym praviły UEFA zabaraniajuć demanstravać elemienty adzieńnia, na jakich raźmieščanyja «palityčnyja, relihijnyja, asabistyja zajavy, a taksama malunki abo łahatypy».
Ahienctva «R-Sport» sa spasyłkaj na nienazvanuju krynicu paviedamlała, što «Łakamatyŭ» aštrafavaŭ Tarasava za takija pavodziny na 300 tysiač jeŭra. Aficyjnaha paćvierdžańnia hetaj infarmacyi niama.
«Łakamatyŭ» prajhraŭ toj matč tureckamu kłubu ź likam 0:2 i, nie zdoleŭšy pieramahčy ŭ matčy ŭ adkaz, vylecieŭ ź Lihi Jeŭropy.