Kamandavać vajskovaj čaściu pa achovie AES u Astraŭcy budzie syn byłoha ministra abarony
Fota Hiermana Sačuka, Tut.by
Vajskovaja čaść unutranych vojskaŭ MUS Biełarusi, jakaja budzie achoŭvać atamnuju elektrastancyju ŭ Astraŭcy, stvoranaja, paviedamiŭ načalnik pres-słužby UV Uładzimir Parchomcaŭ.
«Kamandavańnie pryznačanaje, idzie padbor asabovaha składu, budujecca vajenny haradok», — skazaŭ pradstaŭnik ŭnutranych vojskaŭ MUS.
Numar čaści — 7434. Kamandziram vajskovaj čaści UV pa achovie atamnaj elektrastancyi pryznačany padpałkoŭnik Viktar Žadobin.
Całkam farmiravańnie čaści pavinna zaviaršycca ŭ vieraśni 2017 hoda.
Viktar Žadobin — syn byłoha dziaržaŭnaha sakratara Rady biaśpieki Biełarusi, byłoha ministra abarony hienierał-lejtenanta Juryja Žadobina.