Raśsielhasnahlad nie puściŭ 20 t biełaruskaj morkvy — u dakumientach nie ŭkazali jaje bataničnuju nazvu
Śpiecyjalisty ŭpraŭleńnia Raśsielhasnahladu pa Ćviarskoj i Pskoŭskaj abłaściach u kantrolnym punkcie vioski Łabok (Pskoŭskaja vobłaść) zabaranili ŭvoz partyi śviežaj morkvy vahoj 19,2 tony, vyraščanaj u Biełarusi.
Jak paviedamiła BiełaPAN pres-słužba Upraŭleńnia Raśsielhasnahladu pa Ćviarskoj i Pskoŭskaj abłaściach, pryčyna zabarony — «niesapraŭdny fitasanitarny siertyfikat».
«Fitasanitarny siertyfikat nie całkam aformleny — adsutničaje bataničnaja nazva padkarancinnaj pradukcyi», — udakładnili śpiecyjalisty Raśsielhasnahladu.
Heta, pavodle danych rasijskaha viedamstva, źjaŭlajecca parušeńniem punkta 3.9.1 «Pałažeńnia ab paradku ažyćciaŭleńnia karancinnaha fitasanitarnaha kantrolu (nahladu) na mytnaj terytoryi Mytnaha sajuza».
Hruz viernuty ŭ Biełaruś.