Piaskoŭ: Kreml čakaje ad ZŠA detalaŭ pa spravie ab śmierci Lesina
U Maskvie raźličvajuć atrymać ad ZŠA aficyjnuju infarmacyju pra pryčynu śmierci eks-ministra druku i byłoha kiraŭnika «Hazprom-miedyja chołdynhu» Michaiła Lesina.
«Jakoj-niebudź detalovaj infarmacyi pa ŭstanoŭlenych dla takoj infarmacyi kanałach [ab pryčynach śmierci Lesina] my nie atrymlivali i raźličvajem, što detalovaja aficyjnaja infarmacyja nam budzie pradastaŭlena», — zajaviŭ žurnalistam pres-sakratar prezidenta Rasii Dźmitryj Piaskoŭ.
«Heta niejkija nabory infarmacyi, pryčym čaściakom abiaźličanyja, jakija apublikavanyja ŭ ŚMI», - skazaŭ Piaskoŭ.
Raniej stała viadoma, što sudova-miedycynskaja ekśpiertyza ŭ Vašynhtonie ŭstanaviła pryčynu śmierci byłoha ministra druku Rasiei Michaiła Lesina.
Pa słovach pradstaŭnika viedamstva, pryčynaj śmierci staŭ udar tupym pradmietam pa hałavie, a taksama takoha ž rodu traŭmy šyi, tułava, vierchnich i nižnich kaniečnaściaŭ.
Palicyja ZŠA praciahvaje rasśledavańnie śmierci Lesina.