«Kałarada» Rusłana Saleja – u čverćfinale Kubku Stenli
A «Manreal» atrymaŭ treciuju parazu zapar.
Kvebekski klub vioŭ pa chodu pajadynka trojčy, ale ŭtrymać pieramohu nia zdoleŭ. Samym vynikovym akazaŭsia treci peryjad, prajhrany «Kanadyjens» ź likam 2:4. Dva asystenckija bały na rachunku z małodšaha ź biełarusaŭ, što vystupajuć za klub, – Siarhieja Kaścicyna.
Lik u seryi staŭ 3:3, i ciapier usio vyrašycca ŭ zaklučnym matčy, što projdzie ŭ Manreali ŭ noč na aŭtorak. Hulnia pačniecca, kali ŭ Biełarusi budzie druhaja hadzina nočy.
Cikava, što napiaredadni 1/8 finału bolšaść ekspertaŭ sychodziłasia na tym, što «Manrealu», kab pieramahčy «Bostan Bruinz» spatrebicca maksimum piać matčaŭ. U rehularnym čempijanacie «Bostan» prajhraŭ usie vosiem hulniaŭ «Kanadyjens», ale ŭ płej-of cudoŭnym čynam źmianiŭsia i pakazvaju miadźviežy charaktar.
Učora va Ŭschodniaj kanferencyi prajšoŭ jašče adzin matč: «Vašynhton» vyjhraŭ u «Fiładelfii» ź likam 3:2, i ciapier lik u seryi 3:2 na karyść fiładelfiskaha klubu.
Dźvie kamandy z hetaj kanferencyi ŭžo vyjšli ŭ nastupny raŭnd: heta «Ńju-Jork Rejndžers» i «Pitsburh».
***
«Kałarada Evełanš», za jaki vystupaje biełaruski abaronca Rusłan Salej, siońnia ŭnačy pieramoh na svajoj placoŭcy «Minesotu Ŭajłd» ź likam 2:1. Lik u seryi staŭ 4:2 na karyść «łavinaŭ», i jany vyjšli ŭ nastupny raŭnd.
Supiernik «Kałarada» jašče nieviadomy. Pavodle rehlamentu kamanda ź nižejšym rejtynham (miescam u kanferencyi) budzie hulać z kamandaj z najvyšejšym rejtynham.
H. zn. u nastupnym raŭndzie «Kałarada» sustrenucca abo z «Detrojtam» (1-je miesca ŭ kanferencyi) ci «San-Chase» (2), kali jany pieramohuć u svaich seryjach, a kali prajhrajuć, to ź pieramožcam seryi «Anachajm» (4) – «Dałas» (5).
Mahčyma, niešta prajaśnicca siońnia nočču, kali zhulajuć usie try pary z Zachodniaj kanferencyi.