Sajuznaja dziaržava razdała premij na $210 tysiač, siarod łaŭreataŭ Fiodar Poŭny i Anatol Jarmolenka
Prataijerej Fiodar Poŭny.
Vyšejšaja dziaržaŭnaja rada Sajuzaj dziaržavy vyznačyła imiony łaŭreataŭ premii ŭ halinie litaratury i mastactva 2015—2016 hadoŭ.
Pieramožcami stali:
1. Rasijski dyryžor Uładzimir Fiedasiejeŭ.
2. Kalektyŭ u składzie prataijereja Fiodara Poŭnaha, skulptura Uładzimira Słabodčykava i architektara Ihara Marozava. Jany ŭhanaravanyja za pomnik Aleksiju II u Minsku.
3. Kalektyŭ u składzie śpievaka Anatola Jarmolenki, kampazitara Aleha Jelisiejenkava i paeta Ivana Jurkina. Premijaj adznačany ich albom «Dzie kalina kvitnieła».
Kožnaja premija składaje 5 miljonaŭ rasijskich rubloŭ. Pa ciapierašnim kursie heta kala $70 tysiač. Adpaviedna, kožnamu łaŭreatu ŭ składzie kalektyva dastaniecca pa $23 tysiačy.
Uhanaravańnie adbudziecca padčas «Słavianskaha bazara» ŭ Viciebsku.
Hrošy na konkurs vydzialajucca ŭdzielnikami Sajuznaj dziaržavy parytetna. Biełaruskamu biudžetu premija kaštavała kala $105 tysiač.