U Litvie nastaŭ čas prasić pra pavyšeńnie zarobkaŭ
U 2016 hodzie rost zarobkaŭ budzie samym vialikim za apošnija 7 hadoŭ, śćviardžaje staršy ekanamist banka Swedbank Nieryjus Mačulis. Heta adbudziecca tamu, što na dadzieny momant siła pieramovaŭ na baku rabotnikaŭ, a nie pracadaŭcaŭ.
«Ad čaho zaležyć rost zarobkaŭ? Ad mnohich rečaŭ, ale sutnaść — jak i amal na ŭsich inšych rynkach — popyt i prapanova rabotnikaŭ. Suadnosiny zarehistravanych biespracoŭnych (prapanova) i volnych pracoŭnych miescaŭ (popyt) ŭpali da nižejšaha pakazčyka z 2008 hoda, jany našmat nižej za doŭhaterminovy siaredni pakazčyk», — patłumačyŭ u Facebook Mačiulis. Pavodle jaho słoŭ, heta pakazvaje i rastučaja pieramoŭnaja siła rabotnikaŭ. «Toje, što fond zarobkaŭ pačaŭ raści, pakazvajuć i prybytki biudžetu za košt padachodnaha padatku z hramadzian — u studzieni jany byli na 12% vyšej, čym hod nazad. Da pakazčyku 2007 h. my nie vierniemsia, ale rost zarobkaŭ u hetym hodzie budzie samym vialikim za apošnija 7 hadoŭ», — skazaŭ ekanamist.
Pavodle dadzienych Departamienta statystyki, u trecim kvartale 2015 h. siaredni zarobak «na ruki» ŭ Litvie składaŭ 722,3 jeŭra.
Swedbank prahnazuje, što ŭ hetym hodzie rost zarobkaŭ składzie kala 6,5%.