RF aścierahajecca, što ź Minska viazuć tavary z Turcyi pad vyhladam indyjskich
«U metach praduchileńnia nielehalnaha ŭvozu trapiŭšaj pad śpiecyjalnyja ekanamičnyja miery raślinnaj pradukcyi z Turcyi i Jeŭropy rasijskaje viedamstva pravodzić rabotu pa paćviardžeńni sapraŭdnaści fitasanitarnych dakumientaŭ», - paviedamlaje Raśsielhasnahlad.
U čaćvier rasijskaje viedamstva praviało pieramovy ź ministerstvami Indyi i Kamieruna. U chodzie pieramovaŭ Raśsielhasnahlad zapytaŭ u kamierunskaha boku maksimalna poŭnuju infarmacyju ab vyroščvanaj, ekspartavanaj i reekspartavanaj płodaaharodninnaj pradukcyi, a taksama łahistyčnych schiemach i kolkaści fitasanitarnych siertyfikataŭ.
Taksama Raśsielhasnahlad vykazaŭ zacikaŭlenaść u bolš chutkim atrymańni źviestak pra abjomy raślinnaj pradukcyi, łahistyčnyja šlachi i kolkaść fitasanitarnych siertyfikataŭ ad indyjskaha boku.
Kamierunski bok paćvierdziŭ fakt ekspartu i reekspartu pradukcyi i paviedamiŭ, što ŭ bližejšy čas usia zapytanaja infarmacyja budzie nakiravana rasijskamu viedamstvu. U svaju čarhu indyjski bok paviedamiŭ, što zapytanyja źviestki buduć nakiravanyja ŭ Raśsielhasnahlad ŭ bližejšy čas.