U Pastaŭskim harnizonie raspačatyja dźvie kryminalnyja spravy za dziedaŭščynu
Dźvie kryminalnyja spravy raspačatyja pa fakcie niestatutnych adnosin u adnoj z vajskovych častak Pastaŭskaha harnizona, paviedamiŭ namieśnik načalnika adździeła pa nahladzie za vykanańniem zakanadaŭstva ŭ vojskach prakuratury Viciebskaj vobłaści Juryj Smalanka.
«U adnoj z vajskovaj častak była ŭtvoranaja mikrahrupa, jakaja prymušała maładych sałdat za «pravinnaści» adciskacca, prysiadać, častavać harbataj ci kavaj. Starasłužačyja rasceńvali heta jak biaskryŭdnaje svavolstva, zachavańnie niejkich «tradycyj». My rascanili heta jak parušeńnie statutnych praviłaŭ uzajemaadnosin, i padčas pravierki byli raspačatyja kryminalnyja spravy ŭ dačynieńni da dvuch vajennasłužačych», — raspavioŭ Juryj Smalanka.
Kryminalnyja spravy raspačatyja pa č.1 st.443 KK Biełarusi. Sankcyi artykuła praduhledžvajuć aryšt na termin da šaści miesiacaŭ, abo nakiravańnie ŭ dyscyplinarnuju vajskovuju častku na termin da dvuch hadoŭ, abo pazbaŭleńnie voli na termin da 4 hadoŭ. Rasśledavańniem spraŭ ab dziedaŭščynie zajmajecca ŭpraŭleńnie Śledčaha kamiteta pa Viciebskaj vobłaści.