Ukrainskija ŭłady raspačali kampaniju «Krym — heta Ukraina»
Ministerstva infarmacyjnaj palityki Ukrainy zapuściła infarmacyjnuju kampaniju «Krym — heta Ukraina».
mip.gov.ua
U miežach kampanii ministerstva choča pryciahnuć uvahu ŭkraincaŭ da prablemy anieksii paŭvostrava i parušeńniaŭ pravoŭ ukraincaŭ u Krymie, paviedamlaje Interfaks-Ukraina.
Pieršym na staroncy ministerstva ŭ fejsbuku apublikavali zvarot śpiavački Džamały.
Daradca ministra pa pytańniach infarmacyjnaj palityki Emine Džepar raspaviała na pres-kanfierencyi, što ŭ pačatku sakavika ŭ Kijevie i inšych haradach Ukrainy źjaviacca biłbordy. «Na hetych bordach viadomyja ludzi raskažuć pra svajo staŭleńnie da Kryma», — skazała jana.
Akramia taho, ministerstva inicyjavała zdymku dakumientalnaha filma ab anieksii Kryma.