Ukrainca Aleha Siancova, asudžanaha na 20 hadoŭ u Rasii, etapujuć u Jakuciju
Aleh Siancoŭ (źleva), Alaksandr Kolčanka
Ukrainskaha režysiora Aleha Siancova etapujuć u Jakuciju. Pra heta ŭ paniadziełak, 8 lutaha, paviedamiła na svajoj staroncy ŭ fejsbuku stryječnaja siastra Siancova Natalla Kočnieva.
Raniej paviedamlałasia, što Siancova adpravili ŭ Irkuck.
Pry hetym Kočnieva paćvierdziła infarmacyju ab tym, što jahonaha chaŭruśnika Alaksandra Kolčanku viazuć u Čelabinskuju vobłaść.
25 žniŭnia 2015 hoda ŭkrainskaha režysiora Aleh Siancova prysudzili da 20 hadoŭ pazbaŭleńnia voli ŭ kałonii strohaha režymu. Pa viersii śledstva, jon stvaryŭ u Krymie terarystyčnuju hrupu i arhanizavaŭ padpał ofisaŭ miascovaha adździaleńnia partyi «Adzinaja Rasija» i arhanizacyi «Ruskaja abščyna Kryma». Jaho taksama abvinavačvajuć u sprobie arhanizavać vybuch pomnika Leninu ŭ Simfieropali.
Alaksandra Kolčanku asudzili na dziesiać hadoŭ pazbaŭleńnia voli za saŭdzieł u terarystyčnym akcie.