Palaki praciahnuć atrymlivać sacyjalnyja vypłaty ŭ Vialikabrytanii
Polščy ŭdałosia adstajać usie sacyjalnyja pravy dla palakaŭ, jakija pracujuć u Vialikabrytanii, zajaviŭ staršynia kirujučaj u Polščy partyi «Prava i spraviadlivaść» Jarasłaŭ Kačyński paśla pieramovaŭ z premjer-ministram Vialikabrytanii Devidam Kemieranam.
Sustreča adbyłasia ŭ piatnicu ŭ Varšavie.
Kemieran naviedvaje krainy ES, kab zaručycca padtrymkaj krain-siabroŭ pa pytańni źmieny ŭmoŭ siabroŭstva Brytanii ŭ Jeŭrasajuzie. Łondan choča abmiežavać atrymańnie sacyjalnaj dapamohi mihrantam, i heta vyklikaje niezadavolenaść u mnohich krainach Centralnaj i Uschodniaj Jeŭropy.
Raniej Polšča nieadnarazova davała zrazumieć, što nie pahodzicca ź lubymi prapanovami Łondana, jakija b dyskryminavali šmatlikuju polskuju dyjasparu, što žyvie ŭ Vialikabrytanii.
Abodva palityki zajavili, što zadavolenyja vynikami sustrečy.
Kačyński skazaŭ, što jamu ŭdałosia zrabić mnohaje dla svaich hramadzian, jakija pracujuć u Brytanii, i padkreśliŭ, što hramadzianie Polščy, jakich u Brytanii naličvajecca kala miljona, praciahnuć atrymlivać sacyjalnyja dapamohi.
Paśla Polščy Kemieran adpraviŭsia ŭ Daniju.