Apytańnie: Tramp i Klintan lidzirujuć u svaich partyjach
Ekśpierty miarkujuć, što Tramp, jaki startavaŭ z rezkich zajavaŭ, padčas prezidenckaj kampanii budzie bolš aściarožnym u vykazvańniach
Apytańni, jakija pravodziacca pierad unutrapartyjnymi vybarami Respublikanskaj i Demakratyčnaj partyj, jakija pačynajucca 1 lutaha ŭ amierykanskim štacie Ajova, kažuć ab lidarskich pazicyjach Donalda Trampa i Chiłary Klintan.
Tak, pavodle dadzienych apytańnia, praviedzienaha hazietaj Des Moines Register i ahienctvam Bloomberg, za vyłučeńnie kandydatam ad respublikancaŭ Donalda Trampa hatovyja prahałasavać 28% apytanych. Za im idzie sienatar ad Techasa Ted Kruz z 23%, na trecim miescy sienatar ad Fłarydy Marka Rubia — 15%.
U łahiery Demakrataŭ za vyłučeńnie ad partyi Chiłary Klintan hatovyja prahałasavać 45%, suprać 42% u sienatara ad Viermonta Bierni Sandersa.
Prezidenckija vybary ŭ ZŠA adbuducca ŭ listapadzie. Ale spačatku vybary prachodziać vyklučna pa partyjnaj linii: respublikancy i demakraty hałasujuć paasobku i tolki za pradstaŭnikoŭ svajoj partyi — chto stanie kandydatam na vybarach u listapadzie.