Bresckaja milicyja šukaje mužčynu, jakomu vypadkova vydali 23 miljony rubloŭ
19 studzienia ŭ abmiennym punkcie mužčyna mianiaŭ valutu. Kasirka pamyliłasia i vydała jamu lišnich 22 miljony 842 tysiačy rubloŭ. Ciapier jaho šukajuć supracoŭniki adździeła pa baraćbie z ekanamičnymi złačynstvami.
«Kali ŭ zajaŭnika nie budzie da mužčyny pretenzij, paśla viartańnia prysvojenych hrošaj toj vyzvalicca ad adkaznaści, — raskazała kp.by inśpiektar adździaleńnia infarmacyi i hramadskich suviaziej UUS Bresckaha abłvykankama Alaksandra Zacharava. — Prezumpcyju nievinavataści nichto nie admianiaŭ, tamu my nie vyklučajem, što jon nie zaŭvažyŭ, jak uzbahaciŭsia. Supracoŭniki milicyi ciapier pravodziać pravierku, pa vynikach jakoj budzie vyrašana pytańnie ab raspačaćci abo admovie ŭ raspačaćci kryminalnaj spravy. Usio budzie zaležać ad dziejańniaŭ klijenta banka i jaho sapraŭdnych namieraŭ».
Klijenta zafiksavali kamiery nazirańnia.
Milicyja prosić ludziej, jakija paznali hetaha čałavieka, źviarnucca ŭ Maskoŭski RAUS Bresta pa telefonach: + 375 33 302-87-65, 8 (0162) 27-52-33.
Prykmiety mužčyny: na vyhlad 45-50 hadoŭ, chudarlavaha ciełaskładu, rost 175-180 sm. U toj dzień byŭ apranuty ŭ karotkuju siniuju kurtku z kapiušonam i sinija džynsy, na hałavie — siniaja kiepka.